స్టార్ట్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2). ఈ సీరియల్ బుధవారం నాటి ఎపిసోడ్ -477 లో..... కాంచనకి శ్రీధర్ డబ్బు ఇచ్చి ఈ విషయం కార్తీక్ కి చెప్పకని అంటాడు. సరుకులు తీసుకొని వస్తాడు.. అవి చూసి ఎందుకు తీసుకొని వచ్చావని కార్తీక్ అడుగుతాడు. నువ్వు నా కోసం ఏదైనా చేయొచ్చు కానీ నీ కోసం నేను ఏం చెయ్యోద్దా అని శ్రీధర్ అంటాడు. సరే ఈ ఒక్కసారి పర్లేదు కానీ ఇంకొకసారి తీసుకొని రాకు అని చెప్తాడు.

నువ్వు మాత్రం డ్రైవర్ గా ఉండడం నాకు ఇష్టం లేదని కార్తీక్ తో శ్రీధర్ చెప్తాడు. ఇప్పుడు నీ భార్యకి ఎలా ఉందని శ్రీధర్ అడుగుతాడు. ఎదురుగా ఉంది కదా.. నువ్వు అడుగమని కార్తీక్ అంటాడు. బానే ఉందని దీప అంటుంది. దీపకి ఏమైందని కాంచన అడుగుతుంది. కళ్ళు తిరిగిపడిపోయిందని కార్తీక్ చెప్తాడు. మరొకవైపు సుమిత్ర భోజనం చెయ్యకుండా దశరథ్ కోసం చూస్తుంది. అప్పుడే జ్యోత్స్న వచ్చి దశరథ్, సుమిత్ర మధ్య దూరం పెరిగేలా జ్యోత్స్న మాట్లాడుతుంటే.. వాళ్లకి ఇంకా కోపం పెరిగేలా మాట్లాడకు జ్యోత్స్న అని శివన్నారాయణ అంటాడు.

మరొకవైపు శ్రీధర్ నిద్రపోకుండా ఆలోచిస్తాడు. ఏమైందని కావేరి అంటుంది. కార్తీక్ డ్రైవర్ గా ఉండడం నాకు ఇష్టం లేదు వాడికోసం ఏదైనా చెయ్యాలని శ్రీధర్ అంటాడు. మరుసటిరోజు శివన్నారాయణ ఇంటికి శ్రీధర్ వెళ్తాడు. జ్యోత్స్నతో మాట్లాడుతాడు. అగ్రిమెంట్ క్యాన్సల్ చెయ్ అగ్రిమెంట్ రద్దు చేస్తే పది కోట్లు ఇవ్వాలి కదా.. ఇదిగో పది కోట్లు చెక్ అనగానే అందరు షాక్ అవుతారు. తన కొడుకు కోసం తను అడగడంలో న్యాయం ఉందని శివన్నారాయణ అంటాడు. అప్పుడే కార్తీక్, దీప వస్తారు. మీ నాన్న అగ్రిమెంట్ క్యాన్సిల్ చెయ్యమని పది కోట్ల చెక్ ఇచ్చాడు. నువ్వేమంటావని కార్తీక్ ని దశరథ్ అడుగుతాడు. నీ నిర్ణయం ఫైనల్ బావ అని జ్యోత్స్న అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.